Þann 31. mars nk. er á þingmálaskrá á að taka fyrir frumvarp til laga um breytingu á lögum um fjöleignarhús sem fela meðal annars í sér heimild húsfélaga til að halda rafræna húsfundi, í heild eða að hluta. Mikil þörf hefur verið fyrir þessarri lagabreytingu, sérstaklega með tilliti til Covid 19-veirunnar og fjöldatakmarkana. Víðtæk samstaða hefur verið um lagabreytinguna og því ekkert til fyrirstöðu að lögin taki gildi án tafar.
Húseigendafélagið er að verða reiðubúið til að takast á við þessa nýju útfærslu af húsfundum og til að veita aðstoð við skipulagningu þeirra. Til að mynda er verið að setja upp fjarfundabúnað í húsakynnum félagsins svo að bjóða megi upp á rafræna húsfundi í húsfundaþjónustunni, sjá nánar hér.
